香港人把盛夏交給抗爭。在台中，一群移居台灣的港人每周一聚，近日聚會的話題，莫過於是區區開戰的家鄉。自稱「廢中」的高太太，兩度向《蘋果》記者分享連儂牆在台中開花的照片，「想畀港人知佢哋唔係孤軍作戰」，一次在勤美誠品、一次在一中夜市，都是遊客必經之地。聯絡之初僅以訊息交流，看畢林鄭記者會，她字句間火氣十足，「佢以後其實唔需要出嚟開記招啦，因為佢講嘅嘢除咗譴責就係譴責，想sidetrack啲智力低啲嘅人！」高太太寄語香港高官：「放過香港人，放過我哋嘅年輕人！畀返佢哋應有嘅童真同未來佢哋！」
高太太的父母投奔香港，只為逃離共產黨，至1997年香港回歸中國大陸，高太太便萌生出走台灣的想法。在香港土生土長46年，1年多前她移居台灣。她淡淡然指，近日港人聚會的老友樣子近日都變「殘」了，「瞓唔到，日日睇新聞都喺度喊，又憤怒又痛心。」她直指，香港落得現狀，是因林鄭剛愎自用，冰封良知，完全沒有回應訴求，縱容警隊濫權，「啲細路仔喺呢個年紀，放暑假應該去玩、消耗青春、浪費時間、虛度光陰，係佢搞到佢哋依家日日走出去示威，食催淚彈、捱橡膠彈、布袋彈，日日瞓唔安、食得唔好，仲要周身傷，佢都可以連最基本嘅人話都講唔出。」
除了錢，香港人珍視人權、自由。高太太說着說着不禁「想當年」，「我哋以前殖民地管治嘅時候唔係咁㗎！雖然我哋冇權選特首，無權選我哋嘅管治團隊，但係我哋有我哋嘅自由，我哋有免於恐懼嘅權利，同埋自由集會嘅權利」。警方昨日數字指出，6月9日起，總共拘捕420人，年齡介乎14至76歲。高太太指，一班「細路」喚醒了許多大人的良知，她又不禁質問：「係一個乜嘢嘅極權政府，先迫得我哋啲中學生走出去犧牲自己嘅前途同埋生命，去抵擋極權？」
香港昨日大罷工，七區集會演變成混戰。高太太說：「我啲朋友同埋屋企人，都係出面食緊催淚彈，所以我知道好清楚。」高太太認為，自己對這代的年輕人，感到很抱歉！而他們在台灣可以做的有限，於是發起連儂牆聲援，讓港人知道「佢哋唔係孤軍作戰」。她移居台灣後，亦發覺「真係睇新聞嘅台灣人其實唔多」，藉着連儂牆，也告訴人香港怎麼了。
高太太連儂牆上的便條貼寫滿了對香港人的心意，「香港加油，每一天都要為自己的未來鼓起勇氣」、「台灣撐香港，風雨同在」、「打倒共產黨」、「You Guys Rock, Stay Strong.」另有居港台人戴上寫有「沒有暴徒只有暴政」的頭盔在台灣遊走。記者請這群居台港人傳電話，一人說一句對香港政府及香港人說的話，他們有男有女，聲音或剛強或嬌柔：「希望香港政府放過班後生仔」、「（政府）唔好再做錄音機」、「放低面子，回應訴求。」
港人自6月9日逆權至今，已接近2個月。高太太對於這場抗爭有甚麼期望？她長嘆一聲，似有萬般鬱結在心頭，「希望正面嘅，雖然都知道唔會有咩結果，到2047年都係大限。」最後聲音絕望，「年輕人唔好浪費青春，唔好為政權送頭」，不得要領之下，也許亦要離開心愛的香港。
|
网友
发表于 2019-08-05
收藏
刷新卡
置顶卡