港人6月以嚟，面对警方滥权滥暴甚至向学生心口开枪，都仍未能申张公义，更加多次目睹警方涉嫌纵容黑帮、撑警人士恐袭平民，全城民愤可以话系谷到顶点。不过，莫非系惊终有一日要为自己言行负责，早前就有网民话公共关系科总警司谢振中谢Sir，太太已经有绿卡，渠就想申请埋做美国移民。多次去美国发言慨香港众志秘书长黄之锋即刻「助攻」，话同美国方面讲咗，要鼓励谢Sir全家世世代代留喺大湾区呀。今日记者会谢Sir罕有唔见人，网民都好关心渠去向，八方听讲最新消息，就系传闻谢sir申请美国移民被拒，睇嚟都系要继续做中国人先喇。
每次警方记者会上被问到涉嫌性虐性侵被捕人士、行刑式近距开枪、射爆眼打甩牙、港铁站内无差别棍殴平民同喷胡椒喷雾等等慨暴行，警方都系答非所问，甚至只求掩饰包庇警员，「指心口为膊头」都做得出。谢sir呢几个月都经常语出惊人，例如8月尾荃湾有举枪警一脚踢开跪地市民，谢Sir就话系用脚「推开」；有外籍警司将被警方私刑脚踢慨「守护孩子行动」成员，形容系踢向「Yellow object」之后，渠就帮口话证实唔到警员有踢向被捕男子，唯一能够肯定系警员身上「橙色炳长枪喺男子身上位置有摇晃过」。
次次咁样帮警暴「漂白」，自然成为网民想美国《人权民主法》制裁慨对象之一，有网民10月3号facebook群组撰文，话谢Sir太太已经有「conditional green card（绿卡）」，渠自己都等紧拎绿卡呀。网民当然唔舍得谢Sir背弃祖国啦，之锋当日已迅速回应网民诉求，喺facebook话，「同咗华盛顿嗰边讲，希望鼓励谢振中全家世世代代留喺大湾区，做个勇敢的中国人。」呢排共和党海外事务组织副主席俞怀松（Solomon Yue），已经多次表明建议将香港某啲人员纳入制裁名单，包括成个行政会议团队。唔通今次真系之锋「笃灰」成功？睇嚟而家，谢Sir张绿卡随时系咁先喇。
PPRB话谢Sir放2个礼拜大假，但就无讲明几号先返工，至于移民慨传闻就无回应喇。据知谢Sir喺PPRB任期到本年底就完结，正常情况都会调到去其他新职务。如果真系俾美国呢个「外国势力」拒诸门外，相信谢sir都唔使唔开心，可以学下去埋北京威威慨「光头sir」，成家人回归祖国大陆怀抱，永享大湾区荣耀咪啱晒啰。
|
网友
发表于 2019-10-08
收藏
刷新卡
置顶卡